آي-فون في مصر يا رجالة

السلام عليكم ورحمة الله وبركاته





هو الخبر مش جديد ولا حاجة.
Apple i-Phone 3G نزل مصر وتم الاعلان عنه يوم 14/11/2008.

والصراحة أنا مكنتش ناوي أكتب عنه اصلا, ودا لسببين :
الأول إني مش معايا فلوس أصلا , والثاني إنه نازل في فودافون وموبنيل والاتنين مش سكتي .

أمال ايه اللي خلاني اتكلم بقى ؟!
صراحة الاستفزاز بتاع السعر
سعر الـ 8G عامل 3800 جنبة , وال 16G عامل 4450 !! (يعني 687$ , 805$ بسعر النهاردة)
ليه ؟!!
بيقول بابا وماما ولا بيتكلم لوحدو ؟!!

في at&t ب 199$ , و 399$
آه هو مع عقد بسنتين بس مش مشكلة.
طيب ما يعملو كده , إنما ينزله بالسعر دا كتير قوي .

دا غير إنه طبعا متشال منه خدمة الـ GPS ودا طبيعي لأنه ممنوع في مصر أصلا.
لأ وكمان مفيش فك للشفرة لأنها مش مقفولة بـ software الموضوع داخل فيه hardware, يعني مفيش أمل في ال jailbreak كمان!

نفس الحركة دي حصلت على فكرة في الهند لما نزل في شهر 8 اللي فات زي ما يكون دي حاجة مترتبة مع آبل
بس على الأقل هو نزل بال GPS.

الغريب بقى اتصالات في في الحكاية دي ؟مش سامع صوتهم يعني ؟
ايه يا اتصالات



بس يلا مش مشكلة , أحلى حاجة إن علم بلدنا طلع في موقع آبل .

for more details:
http://www.blog.manhag.org/tech-news
http://br.bingorabbit.com/iphone-in-vodafone-mobinil
http://www.apple.com/eg/iphone/

http://digitoxies.blogspot.com/search/label/iPhone
http://blog.karthiksn.com/2008/08/12/iphone-3g-indian-price