M O V E | H E A T

ஐ فطركم سعيد ஐ

| 29 September 2008
السلام عليكم ورحمة الله وبركاته


رمضان راحل والعيد داخل....

فمن نعزي ومن نهنيء؟!.


فاللهم أعدْ علينا رمضانُ بالخير والبركات


تقبل الله منكم الصيام والقيام
وأعتق رقابكم من النار



فطركم سعيد ,,
وعدوكم بعيد ,,
وعمركم مديد ,,
وطاعتكم للرحمن تزيد



كل عام وأنتم إلى الله أقرب
و على الطاعة أدوم
وعن النار أبعد





جوجل و العشر سنين ,,, والعشر ملاين >>

| 28 September 2008



كل سنة وانت طيبة يا

Goooooogle

الأيام دي جوجل بتحتفل بمرور10 سنوات على إنشاءها




تاريخ حافل في 10 سنوات
تقدر تطلع عليه من هنا




طيب وايه الغريب في كده

ما ياما مواقع انشأت واتعملها أحلى احتفالات !!

,,,

هقولك لأ استنى,,,


أصل جوجل دا مش موقع عادي
دي مش شركة عادية ياعالم

مش مصدق ؟؟!

طيب خد الخبر دا سريع سريع كده ,,,

-----------------------------------------------------

غوغل تضع ميزانية قدرها 10 ملايين دولار للأفكار الجديدة



ذكرت شركة "غوغل"، كبرى شركات البحث على الإنترنت، أنها ستدفع 10 ملايين دولار للأفكار السليمة الجديدة لتحويلها إلى حقيقة.

حيث تطلق "غوغل" مبادرة للأفكار السليمة التي تعتقد أنها يمكن أن يكون لها تأثير مهم على حياة الناس للمساعدة في الاحتفال بالذكرى العاشرة لتأسيسها.
كما أطلقت "غوغل" على مبادرتها اسم "10 مرفوعة للقوة أس 100 " وتسعى من ورائها إلى الحصول على أفكار خلاقة من عامة الناس، في حين ستقوم لجنة حكام باختيار الأفكار الخمسة الفائزة على أن يعلن عنها في فبراير المقبل.

وقالت الشركة في بيان: يمكن أن تكون هذه الأفكار كبيرة أو صغيرة، ويمكن أن تكون تكنولوجية أو ببساطة مجرد أفكار ذكية، إلا أنه الأهم أن يكون لها تأثير.

كما يمكن لأصحاب الأفكار الإبداعية أن يقدموا أفكارهم بأكثر من 25 لغة حتى العشرين من أكتوبر المقبل، وينبغي على أصحاب تلك الأفكار أن يقدموا نبذة عن أفكارهم، والإجابة على ستة أسئلة.

في حين سيقوم موظفو "غوغل" وبمساعدة من مجلس استشاري باختيار 100 فكرة من بين الأفكار التي يتلقونها بحلول السابع والعشرين من يناير القادم.


-----------------------------------------------------

مش بقولك مش عادية !!

باختصار دا في موقعهم


Project 10 to the 100



In other words, helping helps everybody, helper and helped alike.



ودا البرومو يمكن تفهم حاجة




والموقع بتاعهم اهو كمان

مش فاضل غير إنك تشغل الطاسة وتقولي على فكرتك وأنا أسرقها وأبعـ.....

قصدي يعني تبعتها ليهم




بس كده ؟؟


لأ طبعا

خد الخبر دا كمان عشان أبقى خلصت زمتي منكم


-----------------------------------------------------

غوغل تتابع مفاجآتها.. محرك بحث عن الكلمات في الأصوات

ثورة جديدة تطلقها غوغل، عملاق محركات البحث على الانترنت، تتعلق هذه المرة بالبحث عن أي كلمة في الأصوات المتوفرة في الأشرطة الصوتية والمصورة.

المحرك الجديد اسمه "غاودي" أو باللاتينية Gaudi في إشارة إلى الحرف الأول من Google إضافة إلى Audi أي أنه وفقاً للشركة "مؤشر الأصوات" وهو قادر على تعقب المواضيع التي تختارها من بين الأشرطة وحتى البحث عن الكلمات بينها.

هذه الخدمة ستكون مثلاً، وبصيغة تطبيقية، مفيدة للعاملين في القنوات التلفزيونية والإذاعية، بحيث بإمكانهم البحث عن كلمة محددة والتعرف حتى على عدد مرات تكرارها أثناء خطاب سياسي طويل، مثل الذي تعود أن يلقيه الرئيس الفنزويلي "هوغو شافيز" أو صديقه الكوبي "فيدل كاسترو".

وحتى الآن، تتمحور غالبية عمليات البحث في الانترنت على الكلمات، وحتى البحث في الصور حول كلمة معينة يستدعي بالضرورة دقة كبيرة في تفريغ محتويات الفيديو وكتابتها على الموقع الإلكتروني.

ووحده موقع YouTube حتى الآن يوفر خدمة شبيهة بهذا المحرك ولكن على عدد قليل من الأشرطة المتوفرة فيه هي في غالبها ذات طابع سياسي.

وما يميز الخدمة الجديدة أنها فعالة جداً، وتسمح من دون أي مشقة بالوصول إلى ما تريد.

يذكر أن "غوغل" تشهد هذه الأيام حركية واضحة لاسيما مع إعلانها أنها ستطرح هاتفها الخلوي الذكي الجديد في الأسواق قريباً.

وتحددت بداية المنافسة بالسعر، إذ سيكون سعر هاتف غوغل الخلوي 199 دولاراً في محلات التجزئة، وفقاً لما ذكرته مجلة "وول ستريت جورنال"، وهو السعر نفسه الذي يباع به جهاز "آي فون" iPhone من أبل.

-----------------------------------------------------



بس خلاص ,,,,


كل سنة وأنتي طيبة يا جوجل


سلام



اوعدنا يــــــــارب ۞

|









اللهم ارزقنا صلاة في بيتك الحرام ومسجد نبيك الكريم صلى الله عليه وسلم

اللهم آمين.....



ذكريات اليوم الاول

| 21 September 2008
السلام عليكم ورحمة الله وبركاته

بالامس كان أول يوم في السنة الدراسية الجديدة وكل سنة وانتو طيبين

بس السنادي بالنسبالي مش زي أي سنة , السنادي هي الاخيرة ليا في التعليم ان شاء الله

مش عارف ليه وقفت مع نفسي وقعدت افتكر ذكريات يومي الاول في الدراسة وانا داخل أولى ابتدائي

قعدت افتكر كده وسالت نفسي يا ترى هو ايامها كنت أحسن ولا دلوقت انا احسن ؟

ياترى طول فترة 15 سنة اتعلمت اللي كان المفروض اتعلمه ؟

وصلتت للي أنا عايزة ولا لأ ؟

بصراحة مش عايز اخبي بس انا نفسي احترت قوي

هو الحمد لله على كل حال في الاول والاخر

بس المقارنة دي بتخلي الواحد محتار شوية

لاني على العلم اللي اتعلمته والخبرات الكتير اللي اكيد أي واحد بيكتسبها من فترة تعليمه وبتخليه مؤهل للخروج في المجتمع كعنصر بناء مش مجرد شخص يعوله افراد أخرون وكل وظيفته هي التعليم

كل دا في ناحية وان الواحد شايف برضو انه فقد كتير من براءته كطفل واكيد زي ما بيقولو الزمن جه عليك وعلمك حاجات غصب عنك وفي سلوكيات كتير انت رافضها بس بتعملها عشان المجتمع كله كده

في نظري هي دي الخسارة اللي خسرتها وكان يهمني قوي انها كانت تتحط في كشف الارباح مش الخساير

بس عموما الوضع ليس بهذا السوء لكن الشعور دائما بخسائر من الناحية العلمية والخلقية بيسبب أزمة كبيرة لاي شخص إلا اذا كان الشخص دا فقد الضمير او أي نوع من أنواع المسئولية ودول اعتقد اني الحمد لله عندي جزء كبير منهم لسه محتفظ بيه


برضو افتكرت مواقف حصلتلي وانا في بداية مشواري الدراسي ومنها الطريف طبعا

اول حاجة افتكر ان الوالد والوالدة بيقولوي اني كنت مهتم جدا بالمدرسة حتى من قبل ما ادخلها بسنتين وكنت بطلب منهم الدفاتر والاقلام والبرايات بالظبط زي ما اللي داخلين المدارس بيطلبوا من أهليهم وفعلا من وانا 5 سنين وانا كنت جاهز بالعدة ومستني اكمل ال 6 وادخل المدرسة
زهقنا يا شيخ من اللعب في البيت

اول يوم دراسي بقى دا اللي كان يوم عجيب
اكتشفوا ايامها اني كنت مفكر المدرسة هيا الباص اللي بشوف العيال بيركبوه كل يوم الصبح ويرجعوا الضهر
اتاري انا مفكر انهم بيتفسحوا طول اليوم في الباص
مش عارف ان الحكاية فيها قعدة و كتب ومدرسين وموال كبير
مش بقولكم كنت برئ لسه

طبعا بعد ما فوقت من الصدمة في اول يوم بعد الاكتشاف الرهيب ان المدرسة دي اسم يطلق على مبني مش باص
نزلت اول يوم من الباص وسبت الشنطة والكتب والزمزمية وراجع البيت جري بقى عشان افوق
لولا ساتر ربنا في زملا عرفو شنطتي وشالوها معاهم ورجعوهلي طبعا بالليل
وربنا برئ قوي

هيييييييه ايام حلوة قوي والله ياريت تعود
عشان كده دايما الكبار بيتمنوا عودة ايام الصبا علطول
اول مرة احس بالاحساس دا بجد
واقول
الا ليت المعيلة تعود يوما ,,, فاخبرها بما فعل التعليم فينا

عموما لا وقت للبكاء على اللبن المسكوب

بعترف دلوقت ان حالتي أسواء بكتير من ما كنت اتمنى اوصله في احلامي الصغيرة
بس اعتقد ان السنادي هي فرصتي للتعويض ان شاء الله
واولها لازم التعويض في التقديرات لأن تقديراتي السنين اللي فاتت كانت سيئة ومش هعلقها على اي شماعة بجد
لأني قصرت كتير قوي لحد ما وصلت لحالتي دي
وسمعت النهاردة كلمة حلوة قوي بجد
الطيارة بتكون عرضة للسقوط أكتر من أي وقت في مرحلتين ,, مرحلة الصعود , ومرحلة الهبوط .


الصعود عدا بكل حلاوته ومرارته
فاضل ليا الهبوط
وان شاء الله يكون هبوط موفق
بس محتاجة شوية دعوات منكم على كتير من الشغل مني

تحيتي ,,


المهزلة دي لازم تنتهي !!!

| 18 September 2008

النهاردة خلاص حط النهاية للمهزلة دي

مينفعش الكلام دا خلاص


هو معدش ورايا غير الويندوز دا ولا ايه ؟؟

حاجة تفق
ع المرارة صحيح






لاسباب غير منطقية يهنج لما تشتغل عيله


مع اني عامله بارتشن 10 جيجا و تحط فيه الويندوز
3جيجا راحو هدر في الاول

وقول كمان 4 جيجا برامج والذي منه
يفضل 3 جيجا

والويندوز كالعادة لازم يفرش في الجهاز عشان يأكد سيطرته المطلقة
لغاية ببص امبارح لقيته فاضي في البارتشن 200 ميجا
يا فرحة قلبي
حاجة تغم صحيح :(

انا فاكر اني كنت حاطط نسخة لينكس فيدورا في شهر 12 اللي فات واستمرت معايا لغاية ما حطيت النسخة الحالية وانا اللي شايلها بايدي مع انها كانت سليمة وزي الفل
دا كانت احسن من مما حطيتها :)

شايلها بعد ما يزيد عن 6 شهور ومساحتها لم تزد عن 1 جيجا معظمها كان ملفات انا اللي محملها ولما شلتها لقيت كل الزيادة 300 ميجا تقريبا

النسخة اللي كانت شغالة لغاية النهاردة - لاني ان شاء الله هجيب خبرها كمان لحظات - محطوطة مع نسخة الاوبنتو من يوم

11-07-2008

ومكملتش دورها المنوط بيها
والنهاردة
18-09-2007


يبقى الحكاية كلها شهرين و أسبوع


اصيل والله يا لينكس

ان شاء الله هشيل العك دا كله ونحط ونسخة ويندوز عشان الالعاب والذي منه

وأسطب فيدورا 9

سلام






دا احنا كنا جدعان أهو بس مش واخدين بالنا

|
من تاني هحط البوست دا

بجد من أكتر الفيدوهات اللي تحسسك بالفخر ان وراك تاريخ حلو قوي

الفيديوهات ملطوشة من مدونة تظبيط
6azbeet.blogspot.com

الحلقات من التلفزيون الالماني من برنامج اسمه معجزات العالم


بيتكلم عن الإسلام و الحضارة و العلوم الإسلامية بشكل تقني
و كيف نقلها الغرب .. أو سرقها زي ما هو قايلين "بعظمة لسانهم" في البرنامج



1-1


1-2


2-1


2-2


3-1


3-2





Beauty of Mathematics !!!

| 17 September 2008



Absolutely amazing!
Beauty of Mathematics !!!!!!!

1 x 8 + 1 = 9
12 x 8 + 2 = 98
123 x 8 + 3 = 987
1234 x 8 + 4 = 9876
12345 x 8 + 5 = 98765
123456 x 8 + 6 = 987654
1234567 x 8 + 7 = 9876543
12345678 x 8 + 8 = 98765432
123456789 x 8 + 9 = 987654321

1 x 9 + 2 = 11
12 x 9 + 3 = 111
123 x 9 + 4 = 1111
1234 x 9 + 5 = 11111
12345 x 9 + 6 = 111111
123456 x 9 + 7 = 1111111
1234567 x 9 + 8 = 11111111
12345678 x 9 + 9 = 111111111
123456789 x 9 +10= 1111111111

9 x 9 + 7 = 88
98 x 9 + 6 = 888
987 x 9 + 5 = 8888
9876 x 9 + 4 = 88888
98765 x 9 + 3 = 888888
987654 x 9 + 2 = 8888888
9876543 x 9 + 1 = 88888888
98765432 x 9 + 0 = 888888888

Brilliant, isn't it?

And look at this symmetry:

1 x 1 = 1
11 x 11 = 121
111 x 111 = 12321
1111 x 1111 = 1234321
11111 x 11111 = 123454321
111111 x 111111 = 12345654321
1111111 x 1111111 = 1234567654321
11111111 x 11111111 = 123456787654321
111111111 x 111111111 = 12345678987654321



Now, take a look at this...


101%



From a strictly mathematical viewpoint:



What Equals 100%?
What does it mean to give MORE than 100%?

Ever wonder about those people who say they are giving more than 100%?

We have all been in situations where someone wants you to
GIVE OVER 100%.

How about ACHIEVING 101%?


What equals 100% in life?


Here's a little mathematical formula that might help
answer these questions:


If:

A B C D E F G H I J K L M N O P Q R S T U V W X Y Z

Is represented as:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26.


If:


H-A-R-D-W-O- R- K

8+1+18+4+23+ 15+18+11 = 98%


And:

K-N-O-W-L-E- D-G-E

11+14+15+23+ 12+5+4+7+ 5 = 96%


But:

A-T-T-I-T-U- D-E

1+20+20+9+20+ 21+4+5 = 100%



THEN, look how far the love of God will take you:



L-O-V-E-O-F- G-O-D

12+15+22+5+15+ 6+7+15+4 = 101%


Therefore, one can conclude with mathematical certainty that:

While Hard Work and Knowledge will get you close, and Attitude will
get you there, It's the Love of God that will put you over the top!

It's up to you if you share this with your friends & loved ones just
the way I did..

Have a nice day & God bless!!


دا ايميل وصلني قلت اما نحطه هنا
انا يعني شايله على دماغي


سلام

يا كووول - cuil

|
السلام عليكم ورحمة الله وبركاته



الحقيقة انا مصدوم صدمة عاطفية النهاردة بعد ما سمعت الخبر دا

في محرك بحث عايز ينافس جوجل اسمه كول - cuil

الصدمة مش منه نفسه
لأ لأ



بس تقدر تقول كده ازاي المحرك دا يطلع من ورايا وانا مش موجود

هو انا شوية في البلد عشان يعملو محرك من ورايا :))



كمان اصلا ازاي يفكرو ينافسو جوجل

هما مش عارفين بيتكلمو مع مين ولا ايه ؟
:))



المحرك دا انطلق في في 28 يوليو اللي فات

على ايد مهندسين كانو في جوجل أصلا - بس مطمرش فيهم العيش والملح :)) -

Anna Patterson, Russell Power and Louis Monier

وعمك لويس اخر واحد دا سابلهم الشركة وهج :))

المدير التنفيذي اسمه Tom Costello

ودا يبقى زوج Anna وهو صاحب فكرة الاسم



****
ونيجي للاسم

cuil يعني بالايرلندية المعرفة knowledge

بس في بعض المشاكل في الاسم دا مع لغات زي الفرنسية

اصلها بعيد عنكم معناها وحش في الفرنساوي

وقومو نيموا العيال عشان ميسمعوش حاجة :))




****
شكله مش بطال

وبيظهر thumbnail للموقع جنبه

بس مع اني مجربة حالا النهاردة بس نتايجة مش قد كده

مع أنهم بيقولوا هما عنه انه عنده أكبر مكتبة صفحات للبحث لكن دي مش ميزة قوي

لان النتائج غالبا بتخرج بعيد عن المطلوب في مجال تجربتي !!
يعني هما مهتمين بالحجم مش بجودة عملية البحث !!

**

الشئ الجميل اللي قرائته عن انه مبيسجلش الايبهات ولا بيعمل Web Archive زي جوجل كده
وبالمناسبة دا من أكبر الانتقادات لجوجل

بس احنا عالم مبتهمهاش أي حاجة
احنا يعني خايفين من ايه
و مبنبحثش عن حاجة غلط :))


كلمة أخيرة ممكن نقولها للي عايز ينافس جوجل بجد
خدمات جوجل كبيرة قوي مش على قد محرك البحث بس
أكيد كلنا يعرف كتير منها زي Gimal و google maps و google calendar وYou Tube
ووو كتير قوي


جوجل من أكبر الشركات في تاريخ الانترنت
وبتلعب في البلايين
بس الكول دي لسه 33 ميليون دولار بس :))

و جوجل حاصلة على

#1 Best Place to Work

من Fortune Magazine

على فكرة انا كبرت في دماغي اعمل موضوع عن جوجل قريبا ان شاء الله

القاكم على خير ان شاء الله
سلام

صديقك الذى يصدقك ۩

| 16 September 2008
من أقوال الفاروق عمر بن الخطاب رضى الله عنه :

عليك بإخوان الصدق تعش في أكنافهم ,

فإنهم زينة في الرخاء وعدة في البلاء .

ولا تظنّن بكلمة خرجت من مسلم شرا وأنت تجد لها في الخير محملاً .

افتح بابك ◊

| 13 September 2008
(من اقوال الامام الحسن البصرى رحمة الله)


تفـقـَّـد الحلاوة في ثلاثة أشياء

في الصلاة والقرآن والذكر :

، فإن وجدت ذلك
فأمضي وأبشر ،

وإلا فاعلم أن بابك مغلق فعالج فتحه .